Mga Pampapayat ng Tiyan na Hanapin at Gawin

Lagi ka bang natutuksong ‘Bondat’, ‘Laki Tiyan’ o ‘Big Tummy’? Natanong ka na ban g ‘Kailan ka manganganak kahit lalaki ka?’ Kung ang sagot mo sa mga tanong ay ‘OO’, ngayon na ang pagkakakataon mong bumawi. Huwag mo silang gantihan sa pamamagitan ng pananakit o panunuksu din. Magpapapayat ka! Sa artikulong ito, madidiskubre mo ang ilang mga epektibong paraan ng pampapayat ng tiyan na madaling sundin. May mga kakanin at inuming madali ring sundin.

Marahil ay hirap ka na sa pag-eehersisyo para lumiit ang tiyan. Nainom mo na siguro lahat ng slimming pills para lang pumayat. Matapos gawin ang mga ito, wala pa ring pagbabago. Ikaw ay mayroon pa ring malaki at bilugang tiyan, hindi ba? Tiyak na may mali sa gawain mo sa pagkain at pagwo-workout. Hayaan mong tulungan ka ng artikulong ito na maghanap ng naaangkop na paraan kung paano magpapayat ng tiyan. Pangako, hindi ka mahihirapang sundin ang proseso. Hindi ka rin mahihirapang hanapin ang dapat i-konsumo. Read on!

Mga pangunahing pagkaing pampapayat ng tiyan

Kung babasahin ang iba’t-ibang artikulo tungkol sa pagpapapayat, napakaraming diet programs na rekomendado ng mga eksperto. Minsan, mahirap nang sundin ang mga proseso, lalo na kung may mga kailangang lutuin. May mga oras ding napakahirap hanapin ng mga sangkap sa mga lulutin o gagawing pagkain.

Gayundin sa mga physical activities na gagawin. May mga indibiduwal na kailangan pang gumastos at mag-enrol sa gym para lumiit ang tiyan. Ngunit ang masaklap dito, gumastos na’t lahat, hindi pa rin pumapayat. May mga ehersisyong hindi bagay sa lahat ng katawan, kundisyon ng kalusugan at klase ng lifestyle. May mga pagkain ding mahinap hanapin sa merkado. Narito ang ilan sa mga garantisadong pagkain at inuming pampapayat ng tiyan. Madaling hanapin at madali rin ang paraan ng pagkain.

  • Itlog – Base sa mga pag-aaral, nalamang ang itlog ay nakakatulong sa pagpapataas ng protina sa katawan. At ang pagkain nito araw-araw ay nakakatulong para magsunog ng napakaraming calories. Kung nais na talagang bumaba ang timbang, scrambled eggs ang kainin.
  • Suha – Ang prutas na a ito ay napakainam lalo na kapag isinama sa regular meal. Isa ito sa mga pinakamabilis makapagpabawas ng timbang. Ang maganda pa rito, ang Vitamin C na taglay ng suha ay tumutulong na pagalin ang pagpasok ng cholesterol sa loob ng katawan.
  • Avocado – Ito ay isa pang prutas na mainam na pampapayat ng tiyan. Taglay ng avocado ang kakayahang makapagpababa ng bad cholesterol sa katawan. Ibig sabihin, tumutulong din ito na mapababa ang timbang. Malakas din ito sa fiber at protina kaya naman tiyak na mas mai-improve ang digestive system at energy level ng isang tao.
  • Grean tea – Marami na ang nakadiskubre at gumagawa nito. Sila ay umiinom ng grean tea, bago at pagkatapos kumain. Sa mga naghahanap ng paraan kung paano magpapayat ng tiyan, isa ang inuming ito sa pinakamabisang ‘must-drink.’ Taglay ng grean tea sa kakayahang magpabilis ng metabolism ng tao. Base sa aral, ang taong regular na umiinom nito ay talagang lumiliit ang tiyan at pumapayat.

Mga ehersisyong nakakapayat ng tiyan

Hindi magiging epektibo ang iyong pagpapapayat kung puro diet lang. Kung gusto mo talagang malaman kung paano magpapayat ng tiyan, dapat, bukas ka rin sa ideya ng pag-e-ehersisyo. Hindi sapat ang pagkain lamang ng mga pagkaing nakakapayat. Dapat sinasabayan mo ito ng everyday workout. Narito ang ilan sa mga ehersisiyong madaling sundin.

Para sa mga first time sumubok sa pagpapapayat:

Lunge twist – Bagama’t tiyan ang main target ng ehersisyong ito, pinalilit o pinagaganda rin nito ang puwed, obliques at quads. Sa workout na ito, mga paglayuin ang mga paa. Ibaluktot ng kaunti ang mga tuhod. Ibaluktot din ang mga siko sa may baywang ng 90 degrees. Gamit ang kanang binti, tumapak pasulong habang ipinipihit ang braso at katawan sa kanan.

Ipihit ang katawan pabalik sa gitna kasabay ng mabilis na pagtulak sa kanang paa, pabalik sa unang posisyon. Ulit-ulitin ito ng 16 beses araw-araw.

Step Hop – Sa tiyan din ang concentration ng ehersisyong ito subalit pinaliliit at pinagaganda rin ang binti at puwet. Ito ay ginagawa rin nang magkalayo ang paa at ang mga tuhod ay bahagyang nakabaluktot. Ilagay ang mga kamay sa baywang. Iangat ang kaliwang tuhod hanggang sa maabot ang lebel ng baywang kasabay ng paglundag ng nakadiretso ang mga binti. Ulit-ulitin ng 16 beses araw-araw.

Para naman sa mga hard-core na sa pag-e-ehersisyo, subukan ang mga ito:

Squat Jump – Bukod sa tiyan, target din nito ang braso, binti at puwed. Dahil sanay na sa pag-e-ehersisyo, tiyak na pamilyar na sa step na ito. Ito ay ginagawa nang magkalayo ang paa at nakabaluktot nang bahagya ang mga tuhod. Dahil mas mahirap na step ito, ulit-ulitin lamang ng 12 beses kada araw.

Hammer Hoist – Ito ay ginagawa nang bahagyang magkahiwalay ang paa. Magkakapit ang dalawang kamay at nakaposisiyong sa harap ng mga hita. Ito rin ay ginagawa sa pamamagitan ng pagtalon ng pataas sala ang braso na mas mataas pa sa lebel ng ulo ang posisiyon.Ulit-ulitin ito ng 12 beses araw-araw para sa mas mabisang resulta.

Hindi nga ba’t napakadali lang ng mga nabanggit na pampapayat ng tiyan sa artikulong ito? Hindi rin mahirap hanapin sa grocery ang mga dapat kainin at inumin. Maging ang mga ehersisyong inirekomenda dito ay hindi mahirap sundin. Beginner ka man o hard-core fitness buff na, may workout na angkop para sa iyo. Kailangan mo lang talagang maglaan ng panahon at maging determinado sa lahat ng oras.

Kailangan din ng matinding pagpaplano kung gusto mo talagang lumiit ang tiyan mo. Maging malakas din ang loob sa lahat ng oras para mas matapang mong maharap ang mga pagsubok ng pagpapapayat.Tandaan, walang milagro, pagdating sa tamang pagpapaliit ng tiyan. Ngunit wala rin namang imposible kaya’t makakamit mo pa rin ang flat abs na gusto mo. Gawin mo lang ng tama ang mga paraan ng pagkain at pag-e-ehersisyo at sigurado ang positive result sa iyo. Ang pinaka- ‘da best pa sa mga tips na natutunan mo rito—lahat ng mga ito ay safe gawin.

Hindi lang iyan! Ang lahat nang nabanggit ay hindi lang ligtas gawin at kainin. Napaka praktikal ding piliin. Imagine! Hindi na kinakailangan pang magbayad ng membership fee sa gym guwan-buwan para sa pampapayat ng tiyan. Hindi rin naman kailangang mag-hire ng dietitian o nutritionist para sa tamang pagkaing pampapayat. Sundin lang ang mga inirekomenda dito at gawin nang regular. Tiyak na liliit nang husto ang tiyan mo.

Gaano kapaki-pakinabang ang artikulong ito?

Mga Pampapayat ng Tiyan na Hanapin at Gawin
Rate this post

Sabihin sa iba ang tungkol dito!

KATULAD NA MGA ARTIKULO

I-CLICK NGAYON! TRENDING!