Search

Paano Magpapayat sa Mabisa at Mabilis na Paraan

Paano Magpapayat sa Mabisa at Mabilis na Paraan
loading...

Ang mga Pilipino ay likas na mahilig sa pagkain. Maraming ginagawang handaan at salo-salo ang mga pamilya na sadyang mapaparami ang iyong kain at madaragdagan na naman ang iyong timbang. Dahil diyan, maraming tao ang nagtatanong kung paano magpapayat sa mabisang paraan. Iniisip mo bang kailangan mong gutumin ang sarili mo upang pumayat? Hindi sa ganon. May mga paraang maaaring gawin upang magpapayat nang hindi ginugutom ang iyong sarili. Narito ang mga tips kung paano magpapayat sa mabisa at mabilis na paraan.

Maghinay-hinay sa pagkain ng matatamis at maraming carbohydrates

Ito ang pinakamahalagang bahagi ng pagpapapayat. Ang mga matatamis na pagkain at carbohydrates ay siyang nagdudulot ng mabilis na produksyon ng insulin ng iyong katawan. Ang insulin ay nagsisilbing bodega ng taba sa iyong katawan. Kapag ang dami ng insulin sa katawan ay bumaba, ang naimbak na taba ay siyang gagamitin ng katawan upang gawing enerhiya bilang pamalit sa carbohydrates. Nakakatulong din ang pagbaba ng dami ng insulin sa katawan upang ang magpalabas ng labis na sodium at tubig ang mga kidney. Kapag nangyari ito, nababawasan ang hangin na nasa tiyan at tubig sa loob ng katawan na nagpapabigat din ng timbang. Mas mabilis na bumaba ang timbang ng mga taong sumunod ng payo na ito kaysa sa mga nagpapagutom upang pumayat. Kailangan lamang na bawasan ang pagkain ng sagana sa carbohydrates, pababain ang insulin sa katawan sa pamamagitan ng pagbabawas sa pagkain ng matatamis at makikita mo ang resulta na iyong inaasam. Iwas gutom na, papayat ka pa.

Kumain ng gulay at mga pagkaing sagana sa protina at fats

Sa pagpapapayat, kailangang bawasan ang pagkain ng maraming carbohydrates at matatamis. May alternatibo namang kainin na maipapalit mo sa mga pagkaing ito. Ito ay ang mga gulay at mga pagkaing sagana sa protina at fats. Kailangan na may pagkaing maprotina at gulay ang iyong regular na diet. Nakakatulong ito na maging balanse ang iyong pagkain sa araw-araw. Ang ilan sa mga pagkaing mapagkukunan ng protina ay ang karne ng baka, manok at baboy. Mayroon din nito ang isda at ilang lamang-dagat gaya ng hipon. Kung nahihirapan kang kumain ng mga pagkaing ito dahil ito ay may kamahalan, maaaring alternatibo ang itlog. Mayroon din itong protina at mura pa. Ang mga pagkaing sagana sa protina ay tinatayang nakakapagpabilis ng metabolism ng 80 hanggang 100 kaloriya kada araw. Nakakatulong din ito na maiwasan ang palagiang pagkagutom kaya hindi na masyadong kakain ng kahit anu-ano na makapagdaragdag ng timbang. Ang isa pang bagay na maaaring kainin kapag nagbabawas ng timbang ay ang gulay. Pumili pa rin ng mga gulay na kakaunti ang carbohydrates upang maging matagumpay ang pagpapapayat. Heto ang ilan sa mga gulay na tinatawag na low-carb: broccoli, cauliflower, repolyo, lettuce, pipino at celery. Walang limitasyon ang pagkain nito dahil kakaunti lamang ang carbohydrates ng mga gulay na ito. Kahit nagbabawas ng timbang, kailangan parin kumain ng mga pagkaing may fats. Ang ilan rito ay ang olive oil, coconut oil at butter. Ang kadalasang inirerekomendang uri ng fat ay ang coconut oil dahil kakaunti lamang ang magiging epekto nito sa pagpapahina ng iyong metabolism. Kailangan ang mga fats na katulad nito upang maging balanse ang iyong pagkain.

Mag ehersisyo ng tatlong beses sa isang linggo

Hindi kailangan na mag ehersisyo upang mabawasan ang timbang ngunit nakakatulong ito ng malaki. Nakakatulong ang pag-eehersisyo sa gym dahil matutulongan ka ng trainer kung paano ang epektibong pag-eehersisyo. Kung hindi naman kayang pumunta ng tatlo hanggang apat na beses sa gym, maaari ka paring mag-ehersisyo sa bahay. Siguraduhin lamang na magwawarm up bago mag-ehersisyo ng todo. Nakakatulong din ang pagbubuhat ng weights upang makapagburn ka ng kaloriya at maiwasan na humina ang iyong metabolism. Mainam din itong gawin dahil habang nagbabawas ka ng taba, madaragdagan ang iyong muscle na nakakapaganda ng katawan. Kung ayaw mo naman ang pagbubuhat ng weights, maaari ding gawin ang iba pang workout katulad ng pagtakbo, pagjogging, paglangoy at paglalakad.

Kapag sinunod mo ang mga mungkahing nakasulat dito, makakaasa ka ng 5 hanggang sa 10 pounds na bawas sa iyong timbang sa unang linggo. Sunding maigi ang tamang paraan ng pagbabawas ng timbang upang makita agad ang resulta nito.

Gaano kapakipakinabang ang artikulong ito?

Paano Magpapayat sa Mabisa at Mabilis na Paraan
4.7 (93.33%) 3 votes

loading...